Yuxarı

Azərbaycanda bank qanunvericiliyinin təkmilləşdirilməsi təklif olunur

Buna əsas kimi ölkədə yaranmış yeni iqtisadi şərait göstərilir

Bakı. 19 avqust. REPORT.AZ/ Azərbaycan bankları bu sahəni birbaşa və dolayı yolla tənzimləyən qanunvericilik bazasının sürətlə dəyişdirilməsini təklif edir. "Report"un əldə etdiyi məlumata görə, bu məsələ Maliyyə Bazarlarına Nəzarət Palatası Direktorlar Şurasının sədri Rüfət Aslanlının bankların rəhbər şəxsləri ilə bu günlərdə keçirdiyi görüşdə əsas müzakirə predmeti olub.

Xatırladaq ki, Azərbaycanda bankların fəaliyyəti ilə əlaqədar Mülki Məcəllə, “Daşınmaz əmlakın dövlət reyestri haqqında”, “Dövlət rüsumu haqqında”, “İcra haqqında”, “İpoteka haqqında”, “Notariat haqqında”, “Yaşayış yeri və olduğu yer üzrə qeydiyyat haqqında” qanunlara əlavə və dəyişikliklərin edilməsi məsələsi gündəmdədir. Görüşdə bankirlər bu dəyişikliklərin sürətləndirilməsinin vacibliyini R.Aslanlının nəzərinə çatdırıblar. Onlar buna əsas kimi ölkədə yaranmış yeni iqtisadi şəraiti göstəriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi