Yuxarı
    Bağlamaq

    Azərbaycana idxal olunan dərmanlar ucuzlaşıb

    İdxal əczaçılıq məhsullarının qiyməti illik müqayisədə orda hesabla 20% aşağı düşüb

    Bakı. 3 avqust. REPORT.AZ/ Bu ilin yanvar-iyun aylarında Azərbaycana idxal olunan əczaçılıq məhsullarının qiymətləri illik müqayisədə 20% aşağı düşüb.

    Bu barədə “Report” Dövlət Gömrük Komitəsinə istinadən xəbər verir.

    Məlumata görə, birinci yarımillikdə ölkəyə idxal olunan əczaçılıq məhsulllarının 1 tonu üçün orta qiymət 16,46 min dollar olduğu halda, ötən ilin müvafiq dövründə bu göstərici 20,64 min dollar təşkil edib.

    Qeyd edək ki, bu ilin 6 ayı ərzində Azərbaycana 86 866,16 min dollar dəyərində 5 278,18 ton əczaçılıq məhsulu idxal olunub. 2016-cı ildə isə idxal həcmi 92 868,59 min dollar dəyərində olmaqla 4 498,74 ton təşkil edib. Beləliklə, əczaçılıq məhsullarının idxalı miqdar baxımından 17,33% artıb, dəyər baxımından isə 6,46% azalıb. 

    Ölkənin cəmi idxalının 2,55%-i əczaçılıq məhsullarının payına düşüb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi