“Azərbaycan Sənaye Bankı”nın səhmdarlarının yığıncağı keçiriləcək

İyunun 11-də, saat 15:00-da “Azərbaycan Sənaye Bankı” ASC-nin səhmdarlarının ümumi yığıncağı keçiriləcək.

“Report” xəbər verir ki, yığıncaq bankın Bakı şəhəri, Səbail rayonu, Zərifə Əliyeva küçəsi, 3 ünvanında yerləşən baş ofisində olacaq.

Yığıncağın gündəliyinə “Azərbaycan Sənaye Bankı”n 2019-cu il üzrə maliyyə hesabatının və “İllik Hesabatı”nın təsdiqi və digər məsələlər daxildir.

Xatırladaq ki, ASB 1996-cı ildə "Capital Investment Bank" adı ilə fəaliyyətə başlayıb, 2006-cı ildə rebrendinq edib. Onun nizamnamə kapitalı 60 milyon manatdır. Bankın səhmlərinin 98,4252%-i “Anadolu Investment Company” MMC-yə, 1%-i Leyla Goozal Kurta, 0,5748%-i isə "Azərbaycan Sənaye Lizinq" MMC-yə məxsusdur.