Yuxarı

Azərbaycan Mərkəzi Bankının notlarının gəlirliliyi yenidən artmağa başlayıb

Azərbaycan Mərkəzi Bankının notlarının gəlirliliyi yenidən artmağa başlayıb
© Report.az

Bakı. 16 avqust. REPORT.AZ/ Azərbaycan Mərkəzi Bankı (AMB) növbəti dəfə dövriyyədə olan notlarının məbləğini açıqlayıb.

“Report”un məlumatına görə, sözügedən göstərici avqustun 15-nə 1,05 mlrd. manat təşkil edib.

Bu, ayın əvvəli ilə müqayisədə 50 mln. manat çoxdur. Xatırladaq ki, AMB-nin dövriyyədə olan notlarının məbləği bu il mayın 4-də 1 mlrd. manata çatıb və təxminən, 3 ay ərzində bu rəqəm dəyişməyib.

Qurum notlarının gəlirliliyini də açıqlayıb. Məlum olub ki, avqustun 8-dən 15-nə qədərki 1 həftə ərzində qiymətli kağızların illik faiz dərəcəsi 0,47 faiz bəndi artaraq 8,48%-ə yüksəlib. Xatırladaq ki, notların gəlirliliyi bu il fevralın 20-dən bəri 8,01% idi. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi