Azərbaycan Mərkəzi Bankı ev təsərrüfatları ilə bağlı sorğu keçirəcək

Bakı. 28 iyun. REPORT.AZ/ Azərbaycan Mərkəzi Bankı (AMB) “Ev təsərrüfatlarının istehlakçı davranışları və niyyətləri” sorğusunun keçirilməsi üzrə xidmətin satın alınması məqsədilə açıq tender keçirir.

"Report"un Tender Komissiyasına istinadən verdiyi xəbərə görə, iddiaçılar tender təklifləri və tender təklifinin bank təminatını avqustun 11-dək, digər tələb olunan sənədləri isə ən geci avqustun 2-dək Mərkəzi Bankın baş ofisinə təqdim etməlidirlər. İddiaçılar tenderə qatılmaq üçün 150 manat məbləğində iştirak haqqı ödəməlidir.

Tender proseduru avqustun 12-də Mərkəzi Bankın inzibati binasında keçiriləcək.