Yuxarı

​Azərbaycan əsasən infrastruktur layihələrinə görə xaricdən borclanıb

Xarici dövlət borcunun 62%-i infastruktur yönümlü layihələrin icrasına yönəldilib

Bakı. 28 may. REPORT.AZ/ Azərbaycanın xarici dövlət borcunun əsas hissəsi infrastruktur layihələri, ən az hissəsi isə sənaye və digər layihələrin icrasına yönəldilib.

"Report" xəbər verir ki, bu barədə Hesablama Palatasının Azərbaycanın 2015-ci il dövlət büdcəsinin icrasına dair illik hesabata verdiyi rəydə qeyd olunub.

Xarici dövlət borcunun strukturu üzrə bölgüsündə infastruktur yönümlü layihələr 61,7%, xaricdə qiymətli kağızların yerləşdirilməsi - 18,8%, kənd təsərrüfatı və meliorasiya - 3,4%, iqtisadiyyat və maliyyə - 3,3%, sosial mədəni layihələr - 2,0%, sənaye - 0,8% və digər layihələrin dəstəklənməsi - 10,0% təşkil edib.

Cari ilin əvvəlinə beynəlxalq və digər maliyyə kredit təşkilatları ilə imzalanmış kredit sazişlərinin ümumi məbləği 10,3 mlrd. ABŞ dolları təşkil edib. Bu sazişlər əsasında istifadə olunmuş kreditlər üzrə Azərbaycanın xarici dövlət borcunun ümumi məbləği 6,9 mlrd. dollar olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi