Yuxarı
    Bağlamaq

    Azərbaycan Dövlət Neft Fondu I rübdə büdcəyə transfertin həcmini açıqlayıb

    Fonddan büdcəyə 1,7 mlrd. manat köçürülüb

    Bakı. 4 aprel. REPORT.AZ/ Bu ilin yanvar-mart aylarında Azərbaycan Dövlət Neft Fondundan (ARDNF) dövlət büdcəsinə 1 660 mln. manat həcmində vəsait transfert edilib. Bu barədə "Report"un sorğusuna cavab olaraq Fonddan bildirilib.

    Qeyd olunub ki, Azərbaycan Prezidentinin fərmanı ilə təsdiq edilmiş ARDNF-in 2016-cı il büdcəsinə uyğun olaraq, cari il üzrə Neft Fondundan dövlət büdcəsinə transfertin ümumi həcmi 7 615 mln. manat həcmində təsdiq edilib.

    "İl ərzində dövlət büdcəsi qarşısında öhdəliklərin yerinə yetirilməsi məqsədilə Fond tərəfindən Mərkəzi Bankın təşkil etdiyi hərraclar vasitəsilə valyutanın satışı davam etdiriləcək", - deyə ARDNF-dən bildirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi