Azərbaycan bank sektorunun xarici öhdəlikləri azalıb

Bakı. 2 iyul. REPORT.AZ/ Azərbaycanda fəaliyyət göstərən kommersiya banklarının xarici öhdəlikləri bu il iyunun 1-nə 1 863,8 mln. manat təşkil edib.

"Report" bu barədə Azərbaycan Mərkəzi Bankına (AMB) istinadən xəbər verir.

Bu, mayın 1-i ilə müqayisədə 36 mln. manat və yaxud 1,9% azdır. Son 1 ildə isə kommersiya banklarının xarici öhdəlikləri 4 965,4 mln. manat və ya 3,7 dəfə azalıb. İlin əvvəlindən isə bu göstəricidə 444,5 mln. manat və ya 19,3% azalma qeydə alınıb.