Bakı. 22 sentyabr. REPORT.AZ/ “AtaBank” ASC-nin 500-ə yaxın müştərisi Korporativ Sosial Məsuliyyət çərçivəsində təşkil olunmuş kampaniya hesabına ödənişsiz göz müayinəsindən keçib.
“Report” Banka istinadən xəbər verir ki, müştərilərə gözlərini tam müayinə etdirmək üçün 2 həftəlik fürsət verilib.
Kampaniyaya Qurban Bayramından sonra start verilib və növbəli şəkildə “Atabank”ın “Dostluq” və “Nərimanov” filiallarında həyata keçirilib. Kampaniya müddətində müayinədən keçə bilməyən müştərilər istənilən vaxt klinikada 15%-lik endirimlə müayinə oluna bilərlər. Bundan əlavə, göz əməliyyatına ehtiyacı olan “AtaBank” müştəriləri “Dünyagöz” xəstəxanasından 10% endirim əldə edə bilərlər. Bunun üçün ödənişi sadəcə “Atabank”ın “Visa” və yaxud “Mastercard” plastik kartları vasitəsi ilə həyata keçirmək kifayətdir.
“AtaBank” korporativ idarəetmə standartları çərçivəsində cəmiyyət, müştərilər və işçiləri qarşısında olan korporativ sosial məsuliyyətinə daim önəm verir.