AMB-nin depozit hərracında tələb təklifi 6 dəfə üstələyib

Bakı. 17 iyul. REPORT.AZ/ Bu gün Azərbaycan Mərkəzi Bankı (AMB) tərəfindən vəsaitlərin cəlb edilməsi üzrə 100 mln. manat həcmində keçirilmiş növbəti depozit hərracında tələb 600,6 mln. manat təşkil edib.

"Report" bu barədə AMB-yə istinadən xəbər verir.

Hərracda tələb təklifi 6 dəfədən çox üstələyib. Hərracın nəticəsində bağlanılmış depozit əqdləri üzrə ümumilikdə 100 mln. manat cəlb olunub, orta ölçülmüş faiz dərəcəsi isə 10,01% təşkil edib.