ADIF-də yeni təyinat olub

Bakı. 18 noyabr. REPORT.AZ/ Azərbaycan Əmanətlərin Sığortalanması Fondunun (ADİF) icraçı direktoru Azad Cavadov özünə müşavir təyin edib. "Report"un əldə etdiyi məlumata görə, bu vəzifəyə Elşən Kərimov gətirilib.

O, artıq vəzifələrinin icrasına başlayıb.

Xatırladaq ki, E.Kərimov bundan əvvəl Azərbaycan Mərkəzi Bankının ləğv edilmiş Kredit təşkilatlarının fəaliyyətinə nəzarət Departamentinin istehlakçıların hüquqlarının qorunması şöbəsinin müdiri, hazırda ləğvetmə prosesində olan "Parabank" ASC-nin hüquq şöbəsinin müdiri, eləcə də "Nikoil Bank" ASC-nin hüquq şöbəsinin müdiri olub.