ABŞ və Çin arasında ticarət müzakirələrinin yeni mərhələsinin tarixi məlum olub

Bakı. 4 yanvar. REPORT.AZ/ ABŞ və Çin nümayəndə heyətlərinin ölkələr arasındakı ticarətin müzakirə ediləcəyi görüşü yanvarın 7-8-də keçiriləcək.

"Report" xəbər verir ki, bu barədə Çin Ticarət Nazirliyi bəyanat yayıb.

"Yanvarın 4-də ikitərəfli danışıqlar aparılıb və nəticədə nazir müavininin rəhbərlik edəcəyi ABŞ nümayəndə heyətinin Çinə səfər edəcəyi qərara alınıb. Argentinanda keçirilmiş G-20 sammitində ölkə liderlərinin əldə etdikləri razılaşmalara uyğun olaraq, konstruktiv müzakirələr aparılacaq", - qurumun saytında dərc olunmuş bəyanatda deyilir.