Yuxarı

​ABŞ-ın büdcə kəsiri son 7 ildə ilk dəfə artacaq

Dolların möhkəmlənməsi ABŞ-ın xarici ticarətinə mənfi təsir göstərir

Bakı. 20 yanvar. REPORT.AZ/ ABŞ Konqresinin Büdcə Ofisi ölkənin büdcə kəsirinin 2009-cu ildən bu tərəfə ilk dəfə artacağını proqnozlaşdırır. "Report" xəbər verir ki, Büdcə Ofisi büdcə kəsiri proqnozunu 2015-ci ildə ehtimal etdiyi 414 mlrd. dollardan 544 mlrd. dollara yüksəldib. Əgər yeni proqnoz həyata keçərsə, bu, ABŞ-ın 7 ildən sonra büdcə kəsirində ilk artım olacaq.

Qeyd edək ki, ABŞ-da büdcə kəsiri 2009-cu ildə 1,4 trln. dollar rekord həddə çatdıqdan sonra 2015-ci ilə qədər azalaraq keçən il 439 mlrd. dollara düşüb. 

"Report"un analitik qrupu hesab edir ki, ABŞ-da büdcə kəsiri proqnozunun yüksəlməsinin əsas səbəbi dolların möhkəmlənməsi amili ilə bağlıdır. Dolların möhkəmlənməsi idxalı stimullaşdıraraq daxili istehsalı zəiflədir və ixracı əngəlləyir. Bu da, işsizliyin artmasına və vergi daxilolmalarının azalmasına gətirib çıxarır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi