Yuxarı
    Bağlamaq

    ​500 avroluq əsginaslar dövriyyədən çıxarılır

    Artıq 20 mln. ədəd əsginas dövriyyədən çıxıb

    Bakı. 2 may. REPORT.AZ/ Avropa Mərkəzi Bankı (ECB) müvafiq qərar qəbul edilmədən 500 avroluq əsginasların toplanılmasına başlayıb. "Report"un "Die Welt" qəzetinə istinadən verdiyi xəbərə görə, dövriyyədən 500 avroluq əsginasların yığışdırılması prosesi ətrafında diskussiyalar bir neçə aydır davam edir. Bununla bağlı rəsmi qərar qəbul edilməsə də, mayın 4-də ECB-nin bu məsələ ilə əlaqədar xüsusi iclas keçirəcəyi bildirilir.

    Lakin ECB-nin statistik hesabatından məlum olub ki, dekabr ayından etibarən dövriyyədə olan 500 avroluq banknotların sayı artıq azalmağa başlayıb. Belə ki, hesabata görə, dekabr-mart ayları ərzində banknotların sayı 3,1% azalaraq 613 559 542-dən 594 417 006-ya düşüb. Beləliklə, ECB təxminən 20 mln. ədəd, yəni 10 mlrd. avroluq əsginasları dövriyyədən çıxarıb.

    ECB-nin 500 avroluq əsginasları dövriyyədən çıxarmasının əsas səbəbi banknotların kriminal dairələrdə geniş istifadə olunması ilə bağlıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi