Yuxarı
    Bağlamaq

    5 şirkətin BFB-dəki üzvlüyünə xitam verilib

    Onlardan 4-ü birjanın səhmdarları olaraq qalır

    Bakı. 25 yanvar. REPORT.AZ/ “Bakı Fond Birjası” QSC-nin (BFB) Üzvlük Komissiyasının qərarı ilə ötən ilin yanvar ayından etibarən üzvlüyü dayandırılmış “Brokdil-Az”, “Çelsi Kapital”, “BoB Broker”, “Standard Kapital” MMC-lərin və “Dəmir investisiya şirkəti” QSC-nin quruma üzvlüyünə xitam verilib. “Report” BFB-yə istinadən xəbər verir ki, buna səbəb həmin şirkətlərin “Qiymətli kağızlar bazarı haqqında” yeni qanuna və BFB-nin üzvlük qaydalarına uyğun olmamasıdır.

    “Qeyd olunmuş təşkilatların qanunvericiliyə uyğunlaşması üçün lazımi prosedurlar bitdikdən sonra, onların üzvlüklərinin yenidən bərpasına baxılması BFB tərəfindən nəzərdən keçiriləcək”, - deyə Birjanın açıqlamasında qeyd olunur.

    Xatırladaq ki, “Brokdil-Az”, “BoB Broker”, “Standard Kapital” şirkətləri və “Dəmir investisiya şirkəti” BFB-nin səhmdarları olaraq qalırlar.

    Hazırda BFB-nin “Kapital Menecment İnvestisiya Şirkəti” ASC, “İnvest-Az İnvestisiya Şirkəti” QSC, “Azfinance İnvestisiya Şirkəti” QSC, “Unicapital İnvestisiya Şirkəti” ASC, “PAŞA Kapital İnvestisiya Şirkəti” QSC və “PSG-Kapital İnvestisiya Şirkəti” QSC daxil olmaqla 6 üzvü var.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi