Yanvarda Bakıda əhaliyə 443 mln. manatlıq ödənişli xidmət göstərilib

Bakı. 8 mart. REPORT.AZ/ Bu ilin yanvar ayında Bakıda əhaliyə göstərilən ödənişli xidmətlərin dəyəri 442,9 mln. manat təşkil edib ki, bu da ötən ilin eyni dövrü ilə müqayisədə 0,9% çoxdur. 

"Report" bu barədə Dövlət Statistika Komitəsinin Bakı Şəhər Statistika İdarəsinə istinadən xəbər verir. 

Məlumata görə, ay ərzində hüquqi şəxslər əhaliyə 268,5 mln. manatlıq, fiziki şəxslər isə 174,4 mln. manatlıq xidmət göstərib. 

Bundan başqa, dövlət sektorunda əhaliyə 90,5 mln. manatlıq, qeyri-dövlət sektorunda isə 352,4 mln. manatlıq xidmət göstərilib. 

Hesabat dövründə hər bir şəhər sakini orta hesabla 179,6 manatlıq və yaxud illik müqayisədə 6,3 manat çox olmaqla müxtəlif ödənişli xidmətlərdən istifadə edib.