​Valyuta hərracında tələb təklifi 12 dəfə üstələyib

Bakı. 16 avqust. REPORT.AZ/ Bu gün Azərbaycan Dövlət Neft Fondunun (ARDNF) keçirdiyi valyuta hərracında kommersiya banklarının dollara olan tələbatı faktiki təklifi 12 dəfə üstələyib. Bu barədə "Report"a bank dairələrindən məlumat verilib.

Məlumata görə, banklar hərracda 600 mln. dollardan çox vəsait əldə etmək istəyib. Son nəticədə ARDNF-in hərraca çıxardığı 50 mln. dollar tam həcmdə 27 banka satılıb.