Samir Şərifov: “Əvvəlki illərdən qalma ehtiyatlarından da istifadə olunur”

“Dövlət hazırda sərəncamında olan bütün ehtiyatlardan istifadə edir”.

“Report” xəbər verir ki, bunu Maliyyə naziri Samir Şərifov Milli Məclisin bu gün keçirilən növbədənkənar sessiyasının iclasında deyib.

“O cümlədən Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun əvvəlki illərdən qalma ehtiyatlarından da istifadə olunur. Bu da onu göstərir ki, ölkə başçısının rəhbərliyi ilə aparılan iqtisadi siyasət lazımı ehtiyatların yaranmasını təmin edir. Biz başqa dövlətlərdən fərqli olaraq kredit almaq üçün müraciət etmirik. Bu ehtiyatlar da düzgün idarə olunur”, - o deyib.