Qızılın qiyməti cüzi artıb

Dünya bazarında qızılın qiyməti cüzi bahalaşıb.

“Report” birjalara istinadən xəbər verir ki, Nyu-Yorkun “Comex” birjasında qızılın fevral fyuçersləri olaraq 0,23 % və ya 4,3 ABŞ dolları bahalaşaraq 1 unsiyası 1911,3 dollara satılıb. Gümüşün mart fyuçerslərinin qiyməti isə 0,34 % düşərək 1 unsiyası 23,567 ABŞ dolları təşkil edib.

Dolların indeksi (ABŞ-ın ticarət tərəfdaşı olan altı ölkənin valyuta səbətinə nisbətdə məzənnəsi) 0,04 % düşərək 102,32 bənd təşkil edib. ABŞ valyutasının ucuzlaşması qızılı digər valyutalarda alış üçün əlverişli edir.