Qızılın qiyməti 2 000 dollardan aşağı olaraq qalır

Qızıl cüzi ucuzlaşaraq unsiyası 2000 ABŞ dollarından aşağı düşüb. Bazar iştirakçıları Rusiya və Ukrayna ətrafında cərəyan edən hadisələri izləməkdədir.

“Report” birjalara istinadən xəbər verir ki, Nyu-Yorkun “Comex” birjasında qızılın aprel fyuçersləri 0,4%, yaxud 8,1 ABŞ dolları ucuzlaşaraq, 1 unsiyası 1 992,3 ABŞ dollarına satılıb. Gümüşün may fyuçerslərinin qiyməti isə 0,48% düşərək, 1 unsiyası 26,13 ABŞ dolları təşkil edib.

Həftənin əvvəli əsasən bahalaşmaqda olan qızılın qiyməti iki gün ərzində ümumilikdə 3,9% artıb. Etibarlı aktiv hesab olunan bu qiymətli metal geosiyasi risklərin artması fonunda bahalaşıb. Sonradan treyderlər tədricən risklərə qayıtsalar da ehtiyatı əldən verməməyə çalışırlar.