Qızıl korreksiya çərçivəsində cüzi ucuzlaşıb

Ötən gün qeydə alınmış bahalaşmadan sonra qızıl cüzi ucuzlaşıb. 

“Report” bu barədə birjalara istinadən xəbər verir. 

Məlumata görə, ABŞ-ın Nyu-York şəhərinin “Comex” əmtəə birjasında qızılın dekabr fyuçersləri 0,1 % və yaxud 1,9 ABŞ dolları ucuzlaşaraq 1 unsiyası 1 725,9 ABŞ dollarına düşüb. Gümüşün dekabr fyuçerslərinin qiyməti isə 0,58 % azalaraq 1 unsiyası 18,4 ABŞ dolları təşkil edib.

Xatırladaq ki, “təhlükəsiz” investisiyaların alternativ aləti olan ABŞ-ın dövlət istiqrazlarının gəlirliliyinin azalması fonunda ötən gün qızılın qiyməti 1 % artmışdı.