Qızıl geosiyasi risklərin artması fonunda bahalaşıb

Qızıl geosiyasi qeyri-sabitliyin və Rusiyaya qarşı sanksiyaların artması fonunda bahalaşıb.

“Report” birjalara istinadən xəbər verir ki, Nyu-Yorkun “Comex” birjasında qızılın aprel fyuçersləri 1,21%, yaxud 22,85 ABŞ dolları bahalaşaraq, 1 unsiyası 1 910,45 ABŞ dollarına satılıb. Gümüşün mart fyuçerslərinin qiyməti isə 1,72% artaraq, 1 unsiyası 24,41 ABŞ dolları təşkil edib.

Bununla belə, digər etibarlı aktiv hesab olunan ABŞ dollarının bahalaşması qiymətli metalın dəyərinin artmasını bir qədər ləngidir, belə ki, daha bahalı ABŞ dolları qızılın satınalmalar üçün cəlbediciliyini azaldır. ABŞ dollarının indeksi 0,8% artaraq, 97,38 bəndə çatıb.