“Qala Həyat Sığorta”ya sədr təyin olunub

“Qala Həyat Sığorta” ASC-nin İdarə Heyətinə (İH) sədr təyin olunub.

“Report” xəbər verir ki, bu vəzifə Anar Talıbova həvalə edilib.

O, bundan əvvəl lisenziya almamış “Meqa Həyat Sığorta” ASC-nin, eləcə də uzun illər “Azsığorta” ASC-nin İH-nin sədri olub.

Xatırladaq ki, “Qala Həyat Sığorta” 2008-ci ildə yaradılıb. Onun nizamnamə kapitalı 13 041 600 manatdır. Şirkətin səhmlərinin 90%-i "AzRe Təkrarsığorta” ASC-yə (“Qala Sığorta” ASC-nin 100%-lik səhmdarı), 10%-i isə Kamal İbrahimova (Direktorlar Şurasının sədri) məxsusdur.