“Qadın və gənc sahibkarlara dəstək” müsabiqəsinə 45 layihə daxil olub

İqtisadiyyat Nazirliyi yanında Sahibkarlığın İnkişafı Fondu (SİF) “Qadın və gənc sahibkarlara dəstək” adlı müsabiqə çərçivəsində bu günədək 5,2 milyon manat dəyərində 45 layihə daxil olub.

Bu barədə "Report"a SİF-dən bildirilib.

Bildirilir ki, sentyabrın 20-də qadın və gənc sahibkarlara güzəştli kreditlərin verilməsinin təşviqi məqsədilə müvəkkil kredit təşkilatlarının nümayəndələri arasında müsabiqəyə başlayıb.

Qeyd edək ki, müsabiqəyə müraciətlərin qəbulu bu ilin yanvarın 15-də bitəcək.