Naxçıvanda dövlət əmlakının icarəsindən büdcəyə daxilolmalar 66 % artıb

Bu ilin yanvar-iyun aylarında Naxçıvan Muxtar Respublikasında dövlət əmlakının icarəyə verilməsindən dövlət büdcəsinə ötən ilin eyni dövrü ilə müqayisədə 65,8 % çox - 137,3 min manat vəsait daxil olub.

"Report"un yerli bürosu xəbər verir ki, bunu "Naxçıvanda şəffaf və rəqabətli hərraclar" mövzusundakı keçirilən tədbirdə yerli iqtisadiyyat nazirinin müavini, nazir vəzifəsini müvəqqəti icra edən Abbas İsmayılov bildirib.

Onun sözlərinə görə, 6 ay ərzində Muxtar Respublikasında dövlət əmlakının icarəyə verilməsi ilə bağlı 59 yeni müqavilə bağlanılıb. Həmin müqavilələrin 30-u qeyri- yaşayış, 29-u isə torpaq torpaq sahələrinə dair olub.