İran ətrafında gərginlik Tokio Fond Birjasına təsir edib

Asiyanın ən böyük fond birjası olan Tokio Fond Birjasında ticarət, İran ətrafında gərginliyin yenidən artması fonunda qiymətlərin əhəmiyyətli dərəcədə düşməsi ilə başlayıb.

"Report" xəbər verir ki, Yaponiyanın 225 aparıcı şirkətinin səhmlərini izləyən əsas Nikkei 225 indeksi ticarətin əvvəlində 4,35% azalaraq 63.693,25 bənd təşkil edib.

Analitiklər hesab edirlər ki, İran ətrafında yeni gərginlik dövrü barədə xəbərlər investorların əhval-ruhiyyəsinə mənfi təsir göstərib.

Bundan əlavə, bazar iştirakçıları ABŞ-də faiz dərəcələrinin mümkün artımından narahatdırlar ki, bu da fond bazarlarına təzyiq göstərir.