"InvestAZ"dan dünya maliyyə bazarları ilə bağlı həftəlik analiz

Ötən həftənin son ticarət günündə Amerikada proqnozların çox üzərində açıqlanan əmək bazarı, xüsusilə də "NFP" hesabatı fonunda dollar major valyutalar qarşısında kəskin bahalaşdı.

Həmçinin, Avrozonada və Almaniyada azalan inflyasiya, eləcə də, həm sənaye, həm də xidmət sekrotlarında zəifləyən Biznes Aktivliyi İndeksi göstəricilərinin dərcindən sonra EURUSD və GBPUSD məzənnələri müvafiq olaraq 1.0950 və 1.3070 hədlərinə kimi kəskin ucuzlaşdı.

Keçən həftə ərzində 141.640 yen həddinə qədər ucuzlaşan USDJPY məzənnəsi də, cümə günü Amerikada artımla açıqlanan əmək bazarı göstəricilərindən sonra kəskin bahalaşdı və həftəlik şamını 148.660 yen səviyyəsində bağladı.

Bu həftə ərzində, bütün diqqətlər çərşənbə günü Federal Ehtiyyatlar Sistemi Federal Açıq Bazar Komitəsinin (FOMC) son toplantısının dərc olunacaq protokollarına, cümə günü Amerikada açıqlanacaq istehlak və istehsal qiymətlərində inflyasiya göstəricilərinə (CPİ, PPİ) yönələcək.

Bundan başqa, İngiltərədə açıqlanacaq ÜDM-in həcmi, Almaniyada İstehlak Qiymətləri İndeksi, Ticarət Saldosu və Yeni Zellandiya Mərkəzi Bankının faiz qərarı kimi mühim iqtisadi göstəricilər bu həftənin iqtisadi təqvimində yer alır.

EUR

Cari həftə ərzində Almaniyada CPİ, Ticarət Saldosu göstəriciləri avronun dünya birjalarındakı qiymətlərinə yön verə bilər.

Ötən həftəyə 1.1150 səviyyəsində start verən EURUSD məzənnəsi bahalaşaraq 1.1210 həddini test etsə də, Amerikada proqnozların üzərində açıqlanan əmək bazarı göstəriciləri fonunda kəskin ucuzlaşdı və həftəlik şamını 1.0970 həddində bağladı.

"Buğalar" qiyməti 1.10$ həddinin üzərinə qaytara və bu həddin üzərində saxlaya bilsələr, artım tendensiyası bərpa edilə bilər.

GBP

Keçən həftəyə 1.3360 səviyyəsində başlayan GBPUSD məzənnəsi 1.3420 həddinə kimi bahalaşsa da, həftənin son ticarət günündə ucuzlaşdı və həftəlik şamını 1.3110 səviyyəsində tamamladı.

Cari həftə ərzində İngiltərədə dərc olunacaq ÜDM-in və sənaye istehsalınının həcmi, eləcə də, Ticarət Saldosu gösətəriciləri funt-sterlinqin dünya birjalarındakı qiymətlərinə ciddi təsir edə bilər.

"Buğalar" qiyməti 1.32$ həddinin üzərinə qaytara və bu həddin üzərində qoruyub saxlaya bilsələr, artım tendensiyası davam edə bilər.

OİLUK

Ötən həftəyə 72.50$ səviyyəsində başlayan "Brent" nefti (OİLUK) həftə ərzində 70.66$-a kimi ucuzlaşsa da, Yaxşın Şərqdə gərginliyin artması, İran və İsrail arasında hərbi ritorikanın yüksələn xəttlə davam etməsi fonunda "qaraq qızıl" 79.90$-a kimi bahalaşdı.

Həftəlik şamını 78.70$-da bağlayan OİLUK-də "buğalar" qiyməti 80$-ın üzərinə yüksəldə və burada saxlaya bilsələr, artım tendensiyası daha kəskin xarakter ala bilər.

XAUUSD

Keçən həftəyə 2660$ həddində start verən qızıl 2625$-a kimi ucuzlaşsa da, artan geosiyasi risklər səbəbilə "güvənli liman" missiyasını davam etdirdi. Həftə ərzində 2673$-a kimi bahalaşan "sarı metal" həftənlik şamını 2653.60$ səviyyəsində bağladı.

"Buğalar" qiyməti 2650$ həddinin üzərində qoruyub saxlaya bilsələr, artım tendensiyası daha kəskin xarakter ala bilər.

İnvestisiya ilə bağlı suallarınızı: *1234 telefon nömrəsi və ya www.investaz.az veb saytı vasitəsilə bizə ünvanlaya bilərsiniz.

"İNVEST-AZ İnvestisiya Şirkəti" QSC-nin

Tədris və Analiz Departamenti

"İNVEST-AZ İnvestisiya Şirkəti" QSC-nin fəaliyyətini Azərbaycan Mərkəzi Bankı tənzimləyir. Şirkət 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və "İNVEST-AZ İnvestisiya Şirkəti" yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.