IMF Yaxın Şərq və Mərkəzi Asiya regionu üzrə iqtisadi proqnozunu yaxşılaşdırıb

Bu il Yaxın Şərq və Mərkəzi Asiya regionunda ümumi daxili məhsul (ÜDM) istehsalı 4,3 % artacaq.

“Report” xəbər verir ki, bu barədə Beynəlxalq Valyuta Fondunun (IMF) yenilənmiş “World Economic Outlook- January” hesabatında bildirilib.

Sənədə əsasən, bu, IMF-nin oktyabr proqnozu ilə müqayisədə 0,2 faiz bəndi çoxdur.

IMF gələn il region iqtisadiyyatının 3,6 % artmasını gözləyir ki, bu da, əvvəlki proqnozla müqayisədə 0,2 faiz bəndi azdır.