İbrahim Alışov: “Son 1 ildə qiymətli kağızlar bazarında banklar öz aralarında 500 mln. manatlıq əməliyyat aparılıb”

Bakı. 20 sentyabr. REPORT.AZ/ “Azərbaycanda qiymətli kağızlar bazarı ötən ilin eyni dövrü ilə müqayisədə 2,4 dəfə böyüyüb”.

“Report” xəbər verir ki, bunu Maliyyə Bazarlarına Nəzarət Palatasının (MBNP) baş icraçı direktoru İbrahim Alışov Bakıda keçirilən 7-ci Beynəlxalq "Caspian Energy Forum Baku-2018" tədbirində deyib.

“Sevindirici hal həm də odur ki, son 1 ildə bu bazarda banklar öz aralarında 500 mln. manatlıq repo əməliyyatı aparıb. İlin əvvəlindən bəri formalaşmış 12,5 mlrd. manatlıq bazarın əksər hissəsi təkrar bazarın payına düşüb", - deyə o qeyd edib.