Honkonq birjasının əsas indeksi son 8 ayın maksimumuna çatıb

Honkonq birjasının əsas indeksi olan “Hang Seng” bu gün son 8 ayın ən yüksək səviyyəsinə yüksəlib.

“Report” xəbər verir ki, bunu ticarət platformasının məlumatları sübut edir.

“Hang Seng” 18 475,92 bənd (+1,48 %) göstəricisində bağlanıb. Amma gün ərzində onun 18 604,17 bəndə yüksəldiyi an da olub. Bu göstərici 2023-cü ilin sentyabr ayının əvvəlindən bu səviyyələrə qalxmamışdı.

İndeksdə artım liderləri arasında “JD.com” (+5,48 %), “Baidu” (+4,27 %), “Alibaba Group” (+4,07 %), “Li Auto” (+3,16 %), “Xiaomi” (+3,06 %) şirkətlərinin səhmləri var.