"Goldman Sachs": FED-in martda uçot dərəcəsini artırma ehtimalı 75%-dir

Bakı. 14 dekabr. REPORT.AZ/ FED-in 2018-ci ilin mart ayında keçirəcəyi növbəti iclasda uçot dərəcəsini artırma ehtimalı 75% təşkil edir.

"Report" "Bloomberg" agentliyinə istinadən xəbər verir ki, bu proqnoz ABŞ-ın nüfuzlu "Goldman Sachs" bankının baş iqtisadçısı Jan Hatziusun rəhbərliyi altında hazırlanan hesabatda yer alıb.

Hesabatda bildirilir ki, dünən bitən iclasda FED-in ABŞ-da iqtisadi artım tempinin getdikcə daha da sürətlənəcəyini açıqlaması "Goldman Sachs"ın bu proqnozunun əsasını təşkil edib. FED iqtisadi artıma səbəb kimi güclü iqtisadi göstəriciləri və vergi islahatlarını qeyd edir.

"Qoldman Sachs" 2018-ci ildə FED-dən 4 faiz artırma qərarı gözləyir.