Gələn il Azərbaycanın icmal büdcəsi 28 milyard manatdan çox olacaq

2020-ci ildə Azərbaycanın icmal büdcəsinin gəlirləri 27 605,3 milyon manat, xərcləri isə 28 192 milyon manat məbləğində proqnozlaşdırılır.

“Report” bu barədə Maliyyə Nazirliyinə istinadən xəbər verir.

Beləliklə, icmal büdcənin kəsri 586,7 milyon manat təşkil etməlidir.

Gələn il icmal büdcənin tərkib hissəsi olan Naxçıvan MR-in büdcəsinin gəlir və xərcləri isə 480,3 milyon manat məbləğində nəzərdə tutulub. Bu, bu illə müqayisədə 96,6 milyon manat çoxdur.