Fond: Son 5 ildə güzəştli kredit mexanizmi üzrə təsdiqlənmiş müraciətlərin sayı 5 dəfə artıb

Bu ilin yanvar-oktyabr aylarında İqtisadiyyat Nazirliyi yanında Sahibkarlığın İnkişafı Fondunun güzəştli kredit mexanizmi üzrə təsdiqlədiyi müraciətlərin sayı 2020-ci ilin eyni dövrü ilə müqayisədə 5 dəfə çox olub.

"Report" xəbər verir ki, bunu Fondun İdarə Heyətinin sədri Osman Xaliyev Bakıda keçirilən "Dayanıqlı Mikromaliyyə üçün İnnovativ Həllər" mövzusunda Azərbaycan Mikromaliyyə Konfransında bildirib.

Onun sözlərinə görə, həmin ilin eyni dövrü ilə müqayisədə bu il verilmiş güzəştli kreditin məbləği isə 1,5 dəfə artıb.