“Finex Kredit”in aktivləri 15% artıb

Bakı. 5 oktyabr. REPORT.AZ/ “Finex Kredit” ASC bank olmayan kredit təşkilatının (BOKT) cəmi aktivləri illik müqayisədə 14,9% artaraq bu il yanvarın 1-nə 3,788 mln. manat təşkil edib.

“Report” bu barədə BOKT-un maliyyə hesabatına istinadən xəbər verir.

Ötən il “Finex Kredit”in müştərilərə verdiyi xalis kreditlər 14,15% artaraq 3,573 mln. manata çatıb.

Hesabat dövründə BOKT-un cəmi öhdəlikləri 11,8% artaraq 2,956 mln. manata, cəmi kapitalı isə 27,2% artaraq 832 min manata çatıb.

“Finex Kredit” 2017-ci ili 36 min manat zərərlə başa vurub. Bu, 2016-cı ilə nisbətən 33,3% azdır.