DGK-nın xətti ilə büdcə daxilolmaları 36% artıb

Bakı. 17 dekabr. REPORT.AZ/ Bu ilin yanvar-noyabr aylarında Dövlət Gömrük Komitəsinin (DGK) xətti ilə büdcə daxilolmaları 3 253 078,4 mln. manat təşkil edib.

“Report” DGK-ya istinadən xəbər verir ki, bu, ötən ilin eyni dövrü ilə müqayisədə 869 678,39 min manat, yaxud 36,49% çoxdur.

Bu ilin 11 ayında gömrük rüsumları üzrə daxilolmalar 194 477,66 min manat və yaxud 30,72% artaraq 827 446,80 min manat, əlavə dəyər vergisi (ƏDV) üzrə daxilolmalar 583 435,96 min manat və yaxud 35,57% artaraq 2 223 775,50 min manat, aksizlər üzrə daxilolmalar 87 085,8 min manat və yaxud 2,11 dəfə artaraq 165 334,5 min manat olub. Yol vergisi üzrə daxilolmalar isə 4 678,97 min manat və yaxud 14,69% azalaraq 36 521,6 min manat olub.