Naxçıvana investisiya qoyuluşu cüzi artıb

Bakı. 21 dekabr. REPORT.AZ/ Bu ilin yanvar-noyabr aylarında Naxçıvan MR-da bütün maliyyə mənbələrindən əsas kapitala 927,993 mln. manat vəsait yönəldilib. 

“Report” yerli Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 11,603 mln. manat və yaxud 1,3% çoxdur.

Əsas kapitala yönəldilmiş vəsaitin 861,631 mln. manatı və yaxud 92,8%-i tikinti-quraşdırma işlərinin payına düşüb.