Bu il Azərbaycandan Gürcüstana 9 milyon ABŞ dollarına yaxın pul köçürülüb

Bu ilin yanvar-aprel aylarında Azərbaycandan Gürcüstana 8,6 milyon ABŞ dolları məbləğində pul köçürmələri daxil olub.

“Report”un yerli bürosu xəbər verir ki, bu barədə Gürcüstan Milli Bankının hesabatında bildirilib.

İllik müqayisədə Azərbaycandan qonşu ölkəyə köçürülən pul vəsaitlərinin həcmi 2,3 milyon dollar və yaxud 36,5% artıb.

Bu ilin ilk dörd ayında Gürcüstandan Azərbaycana 4,4 milyon dollar köçürülüb ki, bu da ötən ilin eyni göstəricisindən 0,8 milyon dollar və ya 22,2% çoxdur.