Bitkoinin qiyməti 5 min dolları keçib

Bakı. 2 sentyabr. REPORT.AZ/ Bu gecə bitkoin virtual kriptovalyutasının mübadilə məzənnəsi 5 min ABŞ dollarını keçib.

Bu barədə “Report” “Coindesk” ticarət meydançasına istinadən xəbər verir.

Məlumatda deyilir ki, bitkoinin məzənnəsi 10 dəqiqə ərzində 5 013 dollara bərabər olub. Sonradan qiymət yenidən azalıb.

Qiymətin 5 min dollara çatması bitkoinin kapitallaşma göstəricisinin 80 mlrd. dolları keçməsinə səbəb olub. Hazırda dövriyyədə 16,5 mln. bitkoin var.