Belarus Rusiya ilə neft məsələsində razılığa gəlmək istəyir

Belarus dünya bazarında neftin ucuzlaşması fonunda Rusiya ilə əlverişli razılığa gəlmək istəyir.

“Report” “BelTA”ya istinadən xəbər verir ki, bunu Belarusun baş naziri Sergey Rumas bildirib.

Onun sözlərinə görə, hazırda Rusiyadan neft almaqla bağlı danışıqlar aparmaq üçün əlavə imkanlar mövcuddur. Lakin hökumət başçısı təfərrüatı açıqlamayıb.

Bundan başqa, o deyib ki, Belarus hələ Rusiya rublunun devalvasiyasının bütün nəticələrini qiymətləndirə bilmir, lakin hadisələrin inkişafını izləyəcək.

“Bizim Milli Bankımız buna əsaslanaraq öz strategiyasını quracaq”, - baş nazir izah edib.