Baş bankir: "AGBank" və "NBC Bank"ın əmanətçiləri narahat olmasınlar" - ƏLAVƏ OLUNUB

İlk xəbər saat 12:26-da verilib

"AGBank" və "NBC Bank"da aparılan analitik təhlillərin nəticələri haqqında tezliklə məlumat veriləcək".

"Report" xəbər verir ki, bunu Azərbaycan Mərkəzi Bankının sədri Elman Rüstəmov keçirdiyi mətbuat konfrasında bildirib.

"Bankın əmanətçiləri narahat olmasınlar, onların əmanətləri qorunur. O banklarda çalışanların əmək haqları da ödəniləcək", - o deyib.

***

E.Rüstəmov adı çəkilən bankların birləşməsi ehtimalına da münasibət bildirib: "Lisenziyalar geri alındıqdan sonra birləşmə ehtimalı yoxdur. Biz artıq bu banklarda işimizi yekunlaşdırmaq üzrəyik və onları Azərbaycan Əmanətlərin Sığortalanması Fonduna təhvil verəcəyik".