Azərbaycan bankında mühüm iştirak payının əldə ediləcəyi gözlənilir

Oktyabrın 11-də “Bank Respublika” ASC-nin səhmdarlarının növbədənkənar ümumi yığıncağı keçiriləcək.

“Report” bu barədə Banka istinadən xəbər verir.

Məlumata görə, yığıncaqda “Bank Respublika”nın mövcud səhmdarlarının Bankda mühüm iştirak payının əldə ediləcəyini razılıq verməsi gözlənilir.

Xatırladaq ki, “Bank Respublika” 1992-ci ildə yaradılıb. Onun nizamnamə kapitalı 73,461 milyon manatdır. Bankın səhmlərinin 51,13%-i Natiq Quliyevə (Müşahidə Şurasının üzvü), 16,6%-i Almaniyanın DEG investisiya və inkişaf korporasiyasına, 7,74%-i Elçin Quliyevə (Müşahidə Şurasının üzvü), 7,41%-i Sevda Quliyevaya, 7,32%-i Saday Quliyevaya, 5,45%-i Şakir Rəhimova (Müşahidə Şurasının sədri), 4,25%-i Almaniyanın “Sparkassen International Development Trust” şirkətinə, 0,1%-i isə adları açıqlanmayan 9 hüquqi və 3 fiziki şəxsə məxsusdur.