“Azfinance İnvestisiya Şirkəti”nin direktoru qurumdan pay alıb

“Azfinance İnvestisiya Şirkəti” QSC-nin yeganə səhmdarı və Müşahidə Şurasının sədri Abid Məmmədov payının 15,03%-lik hissəsini qurumun direktoru İntiqam Səfərəliyevə ötürüb.

“Report” bu barədə investisiya şirkətinə istinadən xəbər verir.

Məlumata görə, son nəticədə A.Məmmədovun payı 84,97%-ə düşüb.

Xatırladaq ki, “Azfinance" 2014-cü ildə yaradılıb. Onun nizamnamə kapitalı 1,55 milyon manatdır.