Azərbaycanın sığorta bazarı 28% böyüyüb - YENİLƏNİB

İlk xəbər saat 14:11-də verilib

Bakı. 19 aprel. REPORT.AZ/ Bu ilin yanvar-mart aylarında Azərbaycanda fəaliyyət göstərən 21 sığorta şirkəti illik müqayisədə 28,2% çox - 193,1 mln. manat sığorta haqqı toplayıb, 1 il bundan əvvələ nisbətən demək olar ki, eyni - 60,3 mln. manat sığorta ödənişi həyata keçirib. 

"Report" Maliyyə Bazarlarına Nəzarət Palatasına istinadən xəbər verir ki, könüllü sığorta bazarı üzrə daxilolmalar 157,1 mln. manat, ödənişlər isə 44,4 mln. manat, icbari sığorta bazarı üzrə daxilolmalar 36 mln. manat, ödənişlər isə 15,9 mln. manat olub. 

I rübdə sığorta bazarında toplanmış hər 100 manat sığorta haqqının 31,2 manatı ödəniş edilib. 2017-ci ilin müvafiq dövründə bu göstərici 40 manat olub.