Bakı. 9 mart. REPORT.AZ/ "Azərbaycanın milli indeksinin yaradılması üçün zəruri prosedurlar yekunlaşıb".
"Report" xəbər verir ki, bunu Bakı Fond Birjasının (BFB) İdarə Heyətinin sədri vəzifəsini müvəqqəti icra edən Vüqar Namazov jurnalistlərə deyib.
Onun sözlərinə görə, indeksin bazara çıxarılması şirkətlərin aktivliyindən asılıdır: "Biz gözləyirik ki, həqiqətən də bazarı aktiv təmsil edən şirkətlərin formalaşmasına nail olaq. Bundan sonra barometr rolunu oynaması üçün indeksləri buraxacağıq. Bu istiqamətdə vacib olan IPO şirkətlərin cəlb edilməsidir".