Azərbaycandan xaricə ötən il 3 milyard dollardan çox birbaşa investisiya yatırılıb

2023-cü ildə Azərbaycandan xarici ölkələrə yatırılan birbaşa investisiyaların məbləği 3,1 milyard ABŞ dolları təşkil edib.

"Report" xəbər verir ki, bunu Azərbaycan Mərkəzi Bankında keçirilən brifinqdə qurumun Statistika departamentinin direktoru Samir Nəsirov bildirib.

"Azərbaycandan birbaşa investisiyaların məbləğinə görə ilk üçlükdə Türkiyə (1,8 milyard ABŞ dolları), ABŞ (311 milyon ABŞ dolları) və Böyük Britaniya (157 milyon ABŞ dolları) qərarlaşıb", - deyə o qeyd edib.