Azərbaycanda real sektora kredit qoyuluşu bir ildə 20%-dən çox artıb

Ötən ilin dekabrın 1-nə Azərbaycanda real sektora kredit qoyuluşunun ümumi həcmi 15 116,4 mln manat olub.

“Report” Azərbaycan Mərkəzi Bankına istinadən xəbər verir ki, bu, noyabrın 1-i ilə müqayisədə 4,6% çoxdur.

İlin əvvəlinə nisbətən real sektora kredit qoyuluşu 16,1%, son 1 ildə isə 20,3% artıb.

Qeyd edək ki, hesabat dövründə sahələr üzrə ən çox kredit qoyuluşu ev təsərrüfatlarına (6 814,6 mln manat), ticarət və xidmət sektoruna (2 339,5 mln manat) və daşınmaz əmlakın tikintisi və alınmasına (1 971,5 mln manat) ayrılıb.