Azərbaycanda icbari tibbi sığorta daxilolmaları 21 % artıb

Bu ilin yanvar-mart aylarında Azərbaycanda icbari tibbi sığorta haqları üzrə daxilolmalar 213,8 milyon manat təşkil edib.

"Report" İqtisadiyyat Nazirliyi yanında Dövlət Vergi Xidmətinə istinadən xəbər verir ki, bu, ötən ilin eyni dövrü ilə müqayisədə 21,1 % çoxdur.

Rüblük icbari tibbi sığorta daxilolmalarının 149,5 milyon manatı qeyri-büdcə təşkilatlarının hesabına formalaşıb. Bu isə 1 il əvvələ nisbətən 26,2 % çoxdur.