Azərbaycanda gələn il icmal büdcə 46 milyard manata yaxın olacaq

2025-ci ildə Azərbaycanın icmal büdcəsinin gəlirlərinin 44 milyard 371,4 milyon manat, xərclərinin isə 45 milyard 867 milyon manat olacağı gözlənilir.

"Report" bu barədə Maliyyə Nazirliyinə istinadən xəbər verir.

Məlumata görə, bunlar, 2024-cü ilin təsdiq olunmuş proqnozlarına nisbətən müvafiq olaraq 2 % və 0,5 % çoxdur.

Son nəticədə icmal büdcədə 1 milyard 495,6 milyon manat kəsir yaranmalıdır. Bu isə illik müqayisədə 29,2 % azdır.