Azərbaycanda bankların əmanətçilərinin sayı 40 %-dən çox artıb

Əgər 2023-cü ilin sonuna Azərbaycan banklarının 106 min unikal əmanətçisi olubsa, 2024-cü ilin sonunda bu rəqəm 44 min çox - 150 min nəfər təşkil edib.

“Report” xəbər verir ki, bunu Azərbaycan Mərkəzi Bankının sədri Taleh Kazımov rəhbərlik etdiyi qurumun faiz dəhlizinin parametrləri ilə bağlı qərarına həsr olunmuş mətbuat konfransında bildirib.

"Bu da il ərzində 40 %-dən çox artım deməkdir. Əmanətçilərin 77,6 %-nin vəsaiti 30 min manata qədərdir. Bu, banklar arasında rəqabətin güclənməsinin nəticəsidir. Ümid edirik ki, bu artım tempi davam edəcək", - deyə o qeyd edib.