Azərbaycan və BƏƏ qiymətli kağızlar bazarının inkişafını müzakirə edib

Azərbaycan Mərkəzi Bankı (AMB) və Birləşmiş Ərəb Əmirlikləri (BƏƏ) Qiymətli Kağızlar və Əmtəələr Təşkilatı arasında qiymətli kağızlar bazarının inkişaf etdirilməsi müzakirə edilib.

"Report" bu barədə AMB-yə istinadən xəbər verir.

Məlumata görə, qurumun nümayəndə heyəti BƏƏ-yə səfəri çərçivəsində sözügedən təşkilatın nümayəndələri ilə görüş keçirib. Görüşdə BƏƏ-nin qiymətli kağızlar bazarının inkişafı, mövcud investisiya imkanları və hər iki ölkənin nəzarət qurumları arasında əməkdaşlıq perspektivləri barədə müzakirə aparılıb.